“Ashingiye ku bubasha ahabwa n’amategeko, Nyakubahwa Perezida wa Repuburika y’u Rwanda Paul Kagame, yahaye imbabazi Pierre Damien Habumuremyi.
Uyu ni umwe mu myanzuro y’inama y’abaminisitiri yateraniye muri Village Urugwiro kuri uyu wa Gatatu tariki 13/10/2021.
Dr Habumuremyi yatawe muri yombi ku wa ku wa 3 Nyakanga 2020, aregwa ko hari sheki zifite agaciro ka miliyoni zirenga 170 Frw yatanze mu mazina ya kaminuza n’izindi ziri mu mazina bwite, ariko zitazigamiye.
Mu Ugushyingo 2020 yakatiwe gufungwa imyaka itatu nyuma yo guhamwa n’icyaha cyo gutanga sheki zitazigamiye, anacibwa ihazabu ya miliyoni 892 n’ibihumbi 200 Frw, ibyaha bifitanye isano na Christian University of Rwanda yashinze.
Tariki ya 29 Nzeri 2021, Urukiko rwanzuye ko Dr Pierre Damien Habumuremyi asubikiwe igihano cy’igifungo cy’umwaka umwe n’amezi atatu, agafungwa umwaka umwe n’amezi acyenda agatanga n’ihazabu ya Miliyoni 892 Frw.
Iriba.news@gmail.com
