Image default
Mu mahanga

Kenya: Covid yishe umuganga wamaganye inkingo zayo

Muganga wo muri Kenya wabaye impirimbanyi yamagana inkingo za Covid-19 akanakwirakwiza ibivugwa bitari ukuri kuri iki cyorezo, yapfuye azize iki cyorezo.

Dr Stephen Karanja yavuze ko atari ngombwa ko Abanya-Kenya bakingirwa Covid-19.

Ahubwo, yavuze ko kwiyuka no gukoresha imvange y’imiti – irimo na hydroxychloroquine na zinc – ari byo bikwiye gukoreshwa mu guhangana n’iki cyorezo.

BBC dukesha iyi nkuru yatangaje ko yanakwirakwije imvugo zitari ukuri (conspiracy theories), zivuga ku muherwe w’Umunyamerika Bill Gates no kugabanya umubare w’abatuye isi.

Dr Karanja yapfuye ku wa kane mu cyumba cy’indembe cyo ku bitaro byigenga byo mu murwa mukuru Nairobi.

Dr Stephen Karanja

Muri Kenya, abaturage barenga 800,000 bamaze gukingirwa Covid-19, kandi nta ngaruka zikomeye ziratangazwa urukingo rwabagizeho.

Mbere y’urupfu rwe, Dr Karanja yari asanzwe ari umukuru w’ishyirahamwe ry’abaganga bo mu idini rya gatolika. Abarigize bavuze ko yari “umusirikare nyakuri wo mu buganga”.

Related posts

Trump yababariye umuhanzi Lil Wayne habura gato ngo akatirwe

Ndahiriwe Jean Bosco

Icyizere cyo kuramba muri Amerika cyahanantutse

EDITORIAL

Uganda: Abanyamakuru bagabwaho ibitero bari mu kazi

EDITORIAL

Leave a Comment

Skip to toolbar