Ubuyobozi bw’ikipe ya Rayon Sports, bwatangaje ko bubabajwe n’urupfu rutunguranye rwa Uwamariya Joselyne Fannette wayobora Komisiyo Ngenzuzi y’iyi kipe. Nyakwigendera akaba yarigeze no kuba umunyamakuru mu Kinyamakuru UMUSESO n’ibindi binyamakuru bitandukanye.
Babicishije ku rubuga rwa Twitter, bihanganishije umuryango wa Uwamariya wapfuye mu ijoro ryashije.
Bati “Umuryango wa Rayon Sports ubabajwe no kubamenyesha inkuru y’akababaro y’umuyobozi wa Komite Ngenzuzi (Uwamariya Joselyne Fanethe), witabye Imana mu ijoro ryakeye. Twihanganishije umuryango we bwite, inshuti ze n’abo bakoranye mu mirimo itandukanye.”
