Umugabo washakishwaga n’ubutabera bw’u Rwanda kubera ibyaha akekwaho muri Jenoside yakorewe Abatutsi muri Mata 1994 yafatiwe muri Norvege .
Ku wa gatatu tariki Uyu munsi kuwa gatatu tariki 19 Ukwakira ni bwo uyu umugabo uri mu kigero cy’imyaka 40 yatawe muri yombi.
Iyi nkuru dukesha urubuga rwa politiet ivuga ko uyu mugabo yafatiwe mu murwa mukuru wa Norvege , Oslo. Akaba yaratawe muri yombi nyuma y’amaperereza menshi yamukozweho.
Umuvugizi w’Ikigo gishinzwe iperereza ku byaha byibasira inyokomuntu muri Noruveje, Thea Elise Kjaerras, yavuze ko bakoze amaperereza menshi afitanye isano n’ubusabe bwo guta uyu mugabo muri yombi, yongeraho ko hakiri kare kuba hatangazwa icyayavuyemo.
Yakomeje avuga ko nta byinshi ashobora kuvuga kuri uyu mugabo. Kugeza ubu n’ubwo byatangajwe ko uyu mugabo yatawe muri yombi, ntawe uzi igihe nyakuri yafatiwe, dore ko n’amazina ye atigeze atangazwa.
kuwa gatatu ariko yagejejwe imbere y’ubushinjacyaha, bumumenyesha ko agomba gufungwa by’agateganyo.
Iyi nkuru turacyayikurikirana
iriba.news@gmail.com
