Abantu 22 bishwe na Covid ku wa mbere, umubare munini mushya wa benshi bapfuye ku munsi umwe kuva iki cyorezo cyagera mu Rwanda.
Minisiteri y’Ubuzima mu Rwanda (MINISANTE), yatangaje ko ku wa Mbere tariki 12 Nyakanga 2021, abantu 772 babasanzemo Covid-19, muri bo 251 babonetse i Kigali, abamaze kwandura bose hamwe baba 49,016.
Abantu bishwe na covid ni 22 , abakirwaye ni 15,078 naho abarembye ni 70, mu gihe abakize ari 833 nk’uko imibare yatangajwe ibigaragaza. Icumi mu bapfuye ni abo mu mujyi wa Kigali, batandatu ni ab’i Musanze, abandi ni abo mu tundi turere.
Minisiteri y’ubuzima yavuze kandi ko abantu 772 bashya banduye Covid ku wa mbere, ikigereranyo cy’abandura gikomeje kuba hejuru ya 800 ku munsi mu byumweru bitatu bishize. mu cyumweru gishize minisitiri w’ubuzima yavuze ko babonye ibimenyetso by’ubwoko bwayo bwa Delta.
Mu minsi irindwi ishize, habonetse abantu 5,620 bashya banduye n’abantu 103 bapfuye. Ikindi cyumweru kiruta ibindi mu mibare.
Inzego zishinzwe ubuzima zisaba Abaturarwanda baba abakingiwe n’abatarakingirwa gukomeza kwitwararika birinda kwandura cyangwa kwanduza abandi icyorezo cya Covid-19 gikomeje kugaragaza ubukana mu Rwanda n’ahandi ku isi.
iriba.news@gmail.com
