Mu gihembwe cya kabiri cya 2021, Umusaruro mbumbe w’Igihugu wari miliyari 2.665 z’amafaranga y’u Rwanda, uvuye kuri miliyari 2.177 mu gihembwe cya kabiri cya 2020. Umusaruro muri serivisi wari 47%, by’umusaruro mbumbe wose, ubuhinzi bwatanze 25%, inganda zitanga 19%, by’umusaruro mbumbe wose.
Mu gihembwe cya kabiri cya 2020, umusaruro mbumbe w’igihugu wari Miliyari 2.175 z’amafaranga y’u Rwanda, uvuye kuri Miliyari 2.346 mu gihembwe cya kabiri cya 2019. Umusaruro muri Serivisi ukomeje kuza ku isonga, aho wagize uruhare rwa 45% by’umusaruro mbumbe wose, ubuhinzi bwo bwatanze 28% naho inganda zigira uruhare rwa 19%.
Naho mu gihembwe cya mbere cya 2020, umusaruro mbumbe w’igihugu wari ufite agaciro ka Miliyari 2,452 z’amafaranga y’u Rwanda, uvuye kuri Miliyari 2,152 mu gihembwe cya mbere cya 2019. Umusaruro muri Serivisi ukomeje kuza ku isonga, aho wagize uruhare rwa 48% by’umusaruro mbumbe wose, ubuhinzi bwo bwatanze 25% naho inganda zigira uruhare rwa 19%.
