Abakozi ba Leta bahawe iminsi 13 gusa ngo babe barangije kwiteza urukingo rwa Covid-19 utazabikora akazafatirwa ibyemezo.
Itangazo ryasohowe n’umuyobozi w’ishami rishinzwe abakozi ba Leta muri Kenya yavuze ko iki cyemezo cyafashwe nyuma yo kubona ko bamwe mu bakozi ba leta batitabira kwikingiza by’umwihariko abarimu hamwe n’abashinzwe umutekano.
Avuga ko hari abakozi ba leta batari bacye bataye akazi bahunga urukingo.Ejo ku wa mbere, Kenya yatangaje ko abantu 745 bashya banduye virusi ya corona, bituma abamaze kwandura kuva iki cyorezo cyagera muri icyo gihugu bagera kuri 212.573.
Mu cyumweru gushize, leta yavuze ko imaze gutanga inkingo miliyoni 1.7 za AstraZeneca, nyinshi muri izi zikaba ari doze ya mbere.
Kenya iteganya ko kugera mu mpera z’uyu mwaka izaba imaze gukingira abantu miliyoni icumi.
SRC:BBC