Image default
Mu mahanga

USA: Abantu batandatu barashwe bari mu birori mu bihe bidasanzwe 

Polisi ya leta ya California yatangaje ko harashwe abantu batandatu bagakomereka ubwo bari mu birori birimo abantu benshi mu gihe hari amategeko ko abantu baguma mu ngo zabo mu kwirinda ikwirakwira rya coronavirus.

Aba bantu barashwe kuwa gatandatu nijoro ubwo bari mu birori ku nzu zo guturamo (apartment) ahitwa Bakersfield.

Abarashwe ni abagore bane, umugabo umwe n’umukobwa umwe  bakaba baravuwe ibikomere bidakomeye cyane.

BBC dukesha iyi nkuru yatangaje ko nta muntu wafashwe ngo afungwe, gusa abagabo bane babonywe bahunga n’imodoka bikekwa ko ari bo bakoze iki gitero.

Hari gukorwa iperereza nk’uko polisi yaho ibitangaza. Mu kwezi gushize, muri leta ya California hashyizweho amabwiriza abuza abantu kuva mu ngo zabo.

Iyi ni imwe muri leta zibasiwe cyane na coronavirus muri Amerika aho abantu barenga 21,000 bayanduye naho 651 ikaba imaze kubahitana.

Mu mategeko mashya, abatuye muri iyi leta bemerewe gusohoka gusa bagiye guhaha, kwivuza, gukora siporo cyangwa kugendesha imbwa zabo n’amaguru. Ibikorwa byose byarafunzwe hemererwa ibikenerwa cyane nk’ubucuruzi bw’ibiribwa, ubw’imiti n’abacuruza ibikomoka kuri peterori.

iribanews@gmail.com

Related posts

Facebook yatangaje igihe igihano yahaye Trump kizarangirira

NDAHIRIWE JB

Uwisanisha na ‘Spider Man’yahanye ikiganza na Papa Francis (Amafoto)

NDAHIRIWE JB

Trump yababariye umuhanzi Lil Wayne habura gato ngo akatirwe

Ndahiriwe Jean Bosco

Leave a Comment

Skip to toolbar