Hari impungenge ko umugambi w’ibihugu bigize Umuryango w’Ubumwe bw’Iburayi ‘EU’ wo gutanga urupapuro rw’inzira rw’abakingiwe Covid-19, ushobora kugonga abantu bahawe urukingo rwa AstraZeneca rwakorewe mu Buhinde. Ni mu gihe nyinshi mu nkingo zatanzwe n’umugambi wa Covax wo gusaranganya inking mu bihugu bikennye zavuye mu Buhinde.
BBC dukesha iyi nkuru yatangaje ko Umukuru w’umugambi wo gusaranganya inkingo mu Muryango w’Ubumwe bw’Afurika (Union Africaine/African Union), Dr Ayoade Alakija, yabwiye ikiganiro cya ‘BBC Focus on Africa’ ko EU nigira abo iha akato kubera aho urukingo bahawe rwakorewe, azaba ari igikorwa kitanyuze mu mucyo.
Yakomeje avuga ko ‘uko byumvikana hari inzira ebyiri z’inkingo.” EU ishyize imbere kuva kuwa kane gushyiraho urupapuro rw’ikoranabuhanga rw’abakingiwe Covid-19 (Digital Covid Certificate) ariko inking enye zonyine zakorewe mu bihugu by’iburayi nizo zemewe.
Iriba.news@gmail.com