Image default
Mu mahanga

Burundi: Kwiyamamaza, impungenge ku ikwirakwira rya Covid-19

Amashusho agaragaza abantu ibihumbi n’ibihumbi bateraniye mu bikorwa byo kwiyamamaza mu Burundi yateye bamwe impungenge z’uko icyorezo coronavirus gishobora kwiyongera mu gihe cya vuba.

Minisiteri y’ubuzima mu Burundi imaze iminsi itangaza ko bakurikiranye abahuye n’abantu babonyemo iki cyorezo bagasuzumwa.

BBC dukesha iyi nkuru yatangaje ko Komisiyo ishinzwe amatora yahaye abari kwiyamamaza indobo nyinshi n’amasabune yo gukarabya intoki abantu baza mu bikorwa byo kwiyamamaza.

Muri ibi bikorwa kandi hamwe na hamwe harakoreshwa imiti ya ‘disinfectant’ mu gusukura abantu intoki.

Gusa abantu ibihumbi bari kwirabira ibikorwa byo kwiyamamaza ntabwo bose babanza gukaraba intoki nk’uko umwe mu bitabiriye ibi bikorwa uyu munsi mu ntara ya Kirundo yabibwiye BBC.

Gusa kandi abahanga mu by’ubuzima bavuga ko uburyo Covid-19 yandura byagaragaye ko bidahagije gusa gukaraba intoki no kutikora mu maso, ahubwo kwirinda guhura n’abantu beenshi ari bwo buryo bwizewe kurusha ubundi.

Impungenge za bamwe

Covid-19 yakwiriye vuba ku isi kubera ingendo no guhura kw’abantu benshi.

Mu mezi ane (4) agiye gushira imenyekanye ku isi abantu miliyoni eshatu(3) bamaze kuyandura naho abarenga 210,000 imaze kubica mu bihugu 185.

Mu kwirinda ikwirakwira ry’iyi ndwara, ibihugu byinshi ku isi byahagaritse ibikorwa bisanzwe bihuza abantu benshi, mu Burundi amatora ateganyijwe leta ivuga ko nta kigomba kuyasibya.

Iyi minisiteri ivuga ko kugeza ubu ababonetse banduye coronavirus mu Burundi ari 14, harimo bane (4) bayikize.

Mu kwirinda iki cyorezo, keta y’u Burundi yafunze imipaka – keretse ku bicuruzwa – inagira inama abaturage zirimo gukaraba intoki kenshi no kutaramukanya bahana amaboko.

Related posts

Tanzaniya: Coronavirus yatumye Perezida Magufuli asuhuzanya mu buryo budasanzwe

Emma-marie

Kenya: Bataburuye imirambo 47 y’abo bicyekwa ko ‘bishwe n’inzara babisabwe n’umukuru w’idini’

Emma-Marie

RDC: Imfungwa 43 zo muri gereza ya gisirikare zanduye coronavirus

Emma-marie

Leave a Comment

Skip to toolbar