Image default
Ubuzima

COVID-19: RBC iraburira abiyuka bakoresheje amazi n’ibimera

Ikigo cy’Igihugu gishinzwe ubuzima RBC kiraburira abantu biyuka bakoresheje amazi n’ibimera ko nta nyigo cyangwa urwego rubifitiye ubushakashatsi rwari rwemeza ko ari bumwe buryo bwo kwivura Covid-19.

Ubutumwa RBC yanyujije kuri Twitter buragira buti “Nta nyigo n’imwe iremeza ko kwiyuka (hakoreshejwe amazi ashyushye n’ibimera) ari bumwe mu buryo bwo kwivura Covid-19. Nta n’urwego rubifitiye ububasha rwari rwabyemeza. Ababonye ubutumwa buca ku mbuga nkoranyambaga bwigisha ko kwiyuka bivura Covid-19 turabasaba kutabuha agaciro”.

Kuva muri Werurwe kugeza tariki 22 Ukuboza 2020, abamaze kwicwa Coronavirus mu Rwanda bari bamaze kugera 66.

Minisiteri y’Ubuzima kandi yatangaje ko ku wa Kabiri mu Rwanda habonetse abantu 109 bashya banduye COVID-19, abakize bakaba ari 63.

Abo barwayi bashya 109 babonetse mu bipimo 4,149 bakaba barimo ababonetse i Kigali: 40, Gatsibo: 9, Rwamagana: 8, Ngororero: 8, Kirehe: 7, Musanze: 5, Rubavu: 5, Nyagatare: 5, Huye: 5, Muhanga: 4, Gakenke: 4, Kayonza: 3, Bugesera: 2, Rusizi: 2, Burera: 1, Gisagara: 1.

Kugeza ku wa Kabiri, mu Rwanda abari bamaze kwandura icyo cyorezo ni 7,511 muri bo abamaze gukira ni 6,163 naho abakivurwa ni 1282.

Iriba.news@gmail.com

Related posts

“Indwara ya Monkeypox ni ikibazo gihangayikishije Isi”

NDAHIRIWE JB

Wari uziko ko kwikinisha bishobora kwica umuntu bakamuhamba?

Emma-marie

Covid-19: U Rwanda, DR Congo, Kenya nabyo byagezweho n’inkingo za Covax

NDAHIRIWE JB

Leave a Comment

Skip to toolbar