Itangazo rivuye mu Biro bya Perezida w’u Burundi riravugako, Perezida Petero Nkurunziza yishwe n’indwara y’umutima tariki ya 8 Kamena 2020.
Bavuga ko ku wa gatandatu w’icyumweru gishize, Perezida Nkurunziza yiriwe ameze neza, ndetse ngo yagiye kureba umukino wabereye kuri stade Urukundo iri imbere y’urugo rwe ahitwa i Buye mu ntara ya Ngozi ahakinwaga imikino ya nyuma y’igikombe kitiriwe perezida.
Mu ijoro ryo kuri uwo wa gatandatu Nkurunziza ngo yumvise atameze neza  ajyanwa kuvurirwa mu bitaro bya Karusi, bimwe mu bitaro bikomeye biri hagati mu gihugu hafi y’umurwa mukuru, Gitega.
Ibintu ngo byagiye bihinduka mu masaha y’igitondo cyo ku wa mbere tariki ya 8 Kamena, umutima w’uyu muperezida urahagarara. Abaganga bakaba baragerageje kumwitaho biba ibyubusa arapfa.
Iriba.news@gmail.com
