Umubare w’abanywi b’agasembuye n’abanywi b’itabi mu Bubiligi wariyongereye muri ibi bihe bya ‘Guma mu Rugo, ibi ngo bikaba byaratewe n’uko abantu babaga bigunze.
Umuntu umwe mu bantu 10 batanywaga inzoga bazinyoye muri ibi bihe abantu batavaga mu ngo kubera icyorezo cya Covid-19. Ibi bikaba byatangajwe n’Ibitaro bya Kaminuza ya UZ Brussel, nyuma y’inyigo yakoze hagamijwe kurwanya Covid-19 ku banywi b’abasembuye.
15% by’ababajijwe ni abantu batari basanzwe banywa inzoga, bavuga ko bazinywereye mu ngo zabo muri ibi bihe.
Inkuru dukesha 7sur7 ivuga ko aba banyweye inzoga batari basanzwe bazinywa biganjemo urubyiruko hamwe n’abandi bahagaritswe ku mirimo kubera Covid-19.
Abakoze iyi nyigo kandi bagaragaje ko hari n’abababwiye ko bize kunywa itabi ndetse n’urumogi muri ibi bihe bya guma mu rugo.
