Image default
Mu mahanga

Imijyi myinshi yo muri leta ya Tigray yigaruriwe n’ingabo za Ethiopia

Igisirikare cya Ethiopia kivuga ko cyafashe imijyi myinshi yo mu karere ka Tigray kari mu majyaruguru y’icyo gihugu.

Ingabo za Ethiopia zimaze ibyumweru zirwana n’ingabo z’ishyaka Tigray People’s Liberation Front (TPLF) riri ku butegetsi muri leta ya Tigray.

Liyetona Jenerali Hassan Ibrahim yavuze ko igisirikare cya Ethiopia cyafashe umujyi wa Wikro, uri mu majyaruguru y’umurwa mukuru Mekelle wa Tigray, ndetse gifata n’indi mijyi myinshi.

Abivuze hashize umunsi umwe leta ya Ethiopia ivuze ko itangiye “icyiciro cya nyuma” cy’igitero cyayo ku karere ka Tigray.

Amakuru avuga ko abantu babarirwa mu magana bishwe naho abandi babarirwa mu bihumbi bata ingo zabo kuva iyi mirwano yatangira.

Biragoye kwemeza amakuru ajyanye n’ibirimo kubera muri iyo mirwano kuko itumanaho ryose rya telefone na internet mu karere ka Tigray ryahagaze.

Umujyi wa Mekelle, ugaragara muri iyi foto yafashwe ku wa kane, ni umurwa mukuru wa leta ya Tigray

BBC yatangaje ko mu nama ejo ku wa gatanu n’intumwa z’umuryango w’ubumwe bw’Afurika, Minisitiri w’intebe wa Ethiopia Abiy Ahmed yazibwiye ko abaturage b’abasivile bo muri ako karere bazarindwa.

Ariko, ntacyo yavuze cyuko hashobora kubaho ibiganiro byo gusoza iyo mirwano.

Mbere, Minisitiri w’intebe Abiy yavuze ko igisirikare kizagerageza kutagirira nabi abaturage b’abasivile batuye i Mekelle umujyi utuwe n’abantu 500,000 ndetse ashishikariza abawutuye kuguma mu ngo zabo.

Debretsion Gebremichael uyoboye ingabo Tigray

Ingabo z’ishyaka TPLF, zigenzura uwo mujyi, zasezeranyije ko zizakomeza kurwana.

Umuryango w’abibumbye (ONU/UN) waburiye ko hashobora kubaho ibyaha byo mu ntambara igisirikare cya Ethiopia nikigaba ibitero kuri Mekelle.

iriba.news@gmail.com

Related posts

Tanzania: Perezida w’Inteko ishingamategeko yeguye

NDAHIRIWE JB

U Burusiya burashinjwa “kwiba” toni z’ibinyampeke muri Ukraine

NDAHIRIWE JB

Abatuye mu Mujyi wa Addis Ababa basabwe kwitegura kuwurwanaho

NDAHIRIWE JB

Leave a Comment

Skip to toolbar