Rev. Paster Jean Bosco Ukwibishatse umuyobozi w’inkambi ya mahama yabwiye @RoyalFMRwanda ko mu nkambi hari impunzi zitegura guhunguka mu Burundi kuri uyu wa kane.
Hari amakuru avuga ko Impunzi ziteguye gutaha ku ikubitiro ejo ziri Hagati ya 500 na 600.
Rev. Paster Jean Bosco Ukwibishatse avuga ko abitegura gutaha bari gupimwa covid-19 Ndetse bakaba bari burare ahantu hamwe bazahagurukira kuri uyu wa kane.
Elise Laura Villechalane, umuvugizi wa UNHCR mu Rwanda aherutse kubwira Royal Fm ko itsinda rya mbere ry’ impunzi z’ abarundi zishaka gutahuka zizataha tariki ya 27 Kanama 2020 ni ukuvuga kuri uyu wa Kane.
Mu minsi ishize Minisitiri w’Ububanyi n’Amahanga, Dr Vincent Biruta, aherutse kubwira abanyamakuru ko nta mpunzi n’imwe yo mu Burundi yigeze ibuzwa gutaha, ndetse ko mbere y’umwaduko wa Coronavirus, nibura 200 zatahaga buri munsi.
U Rwanda rucumbikiye impunzi z’Abarundi 71973, ni cyo gihugu cya gatatu gifite impunzi nyinshi z’Abarundi, nyuma ya RDC na Tanzania.
