Image default
Amakuru Politike Ubuzima

Mu Rwanda umuntu wa mbere yishwe na Covid-19

Minisiteri y’Ubuzima (MINISANTE) yatangaje ko kuri uyu wa Gatandatu tariki 30 Gicurasi 2020, umuntu wa mbere wari urwaye COVID-19 yapfuye.

Minisante yatangaje ko umurwayi witabye Imana ari umushoferi w’imyaka 65 wari utuye mu gihugu cy’abaturanyi wahisemo gutaha mu Rwanda nyuma yo kuremba.

Iryo tangazo rivuga ko uwo murwayi yitaweho n’abaganga mu kigo cyagenewe kuvura Coronavirus, ariko akaba yaje gupfa azize kwangirika imyanya y’ubuhumekero.

Mu Rwanda umuntu wa mbere yishwe na Covid-19

Uyu munsi kandi habonetse abarwayi bashya bane ba COVID-19 bituma abamaze kuboneka mu Rwanda banduye icyo cyorezo bose hamwe baba 359.

Abo bantu bane babonetse mu bipimo 1,368 byafashwe uyu munsi, ibipimo byose hamwe bimaze gufatwa bikaba ari 66,976 ari na byo byabonetsemo abarwayi 359.

Itangazo rya Minisiteri y’Ubuzima riravuga ko abantu batatu mu bari barwaye COVID-19 bakize kuri uyu wa Gatandatu, abamaze gukira bose hamwe bakaba ari 250.

Iriba.news@gmail.com

Related posts

Imiti y’inkorora yakorewe mu Buhinde iracyekwaho kwica abana

NDAHIRIWE JB

Amb. Habineza Joseph yirukanywe mu kigo cy’Ubwishingizi ‘Radiant’

Emma-marie

Perezida Kagame yavuze icyo azakora narangiza imirimo yashinzwe n’Abanyarwanda

Emma-marie

Leave a Comment

Skip to toolbar