Image default
Mu mahanga

Namibia: Abanyeshuri amagana banduye Covid-19 nyuma y’uko amashuri afunguye

Abanyeshuri barenga 300 bo muri Namibia banduye coronavirus kuva amashuri yakongera gufungurwa.

Minisiteri y’ubuzima yaho yatangaje ko abenshi mu banduye ari abiga baba ku mashuri.

Minisitiri w’ubuzima Kalumbi Shangula yavuze ko amabwiriza yo kwirinda agomba kubahirizwa kugira ngo bahagarike ikwirakwira ry’iyi virus ahantu hegeranye nko ku mashuri.

Ibinyamakuru byaho bivuga ko iki cyorezo cyibasiye ishuri rimwe mu gace kitwa Oshikoto ahabonetse umubare munini w’abanyeshuri banduye.

Namibia yafunze amashuri mu kwezi kwa gatatu kubera iki cyorezo, iyafungura mu kwezi kwa gatandatu, ubwo abategetsi bavugaga ko abantu batakiri kwanduzanya imbere mu gihugu.

Abarimu bose n’abanyeshuri bari bategetswe kwambara udupfukamunwa buri gihe mu kwirinda iyi virusi. Abakuriye amashuri nabo bari basabwe gutegeka isuku ishoboka mu mashuri.

Namibia kugeza ubu imaze gutangaza abantu 11,373 banduye coronavirus na 123 yishe.

Related posts

Icyatumye Kenya Airways ihagarika ingendo zerekeza i Kinshasa cyamenyekanye

Emma-Marie

Tanzania: Perezida Samia Suluhu aherutse kwakira uwo batavuga rumwe wafunguwe

Emma-Marie

Nigeria: Ibya wa munyeshuri ushinjwa gutuka umugore wa Perezida

Emma-Marie

Leave a Comment

Skip to toolbar