Image default
Mu mahanga

Perezida wa Madagascar yerekanye ikinyobwa avuga ko ari “umuti” wa coronavirus

Perezida Andry Rajoelina wa Madagascar yamuritse umuti ukozwe mu byatsi byo kuri icyo kirwa we yemeza ko urinda kandi ukavura ubu bwoko bushya bwa coronavirus nk’uko bivugwa na AFP.

Inzego zishinzwe ubuzima ku isi no muri Afurika ntacyo ziratanga kuri uyu muti watangajwe na Rajoelina.

Ishami ry’umuryango w’abibumbye ryita ku buzima, OMS, kugeza ubu nta muti riratangaza wakorewe ubushakashatsi uvura Covid-19.

Ku kigo Malagasy Institute of Applied Research (IMRA) cyakoze uwo muti unyobwa, imbere y’abaminisitiri, abadipolomate n’abanyamakuru Rajoelina yagize ati: “Twakoze isuzuma, abantu babiri ubu bakijijwe n’uyu muti. Iki ni icyayi cy’ibyatsi kivura mu minsi irindwi”. Mu kuwushimangira yagize ati: “Ninjye wa mbere uri buwunywe uyu munsi imbere yanyu, mubone ko ukiza kandi utica”.

Uyu muti wiswe Covid-Organics, ukozwe mu byatsi byitwa Artemisia byemejwe ko bikoreshwa mu kuvura Malaria hamwe n’ibintu byatsi gakondo nk’uko ikigo IMRA kibivuga.

Ubuziranenge bwawo no kuba uvura Covid-19 koko ntabwo biragenzurwa ku rwego mpuzamahanga, nta mibare kandi itangwa n’ubushakashatsi bw’uko wageragejwe.

Abahanga muri siyansi bakomeje kuburira abantu ingaruka mbi bashobora guterwa no gukoresha imiti inyobwa itarapimwe ikozwe mu byatsi .

Rajoelina ibyo abishyira ku ruhande, avuga ko uwo muti uzahabwa abana b’abanyeshuri mu gihugu kuko ari “inshingano ye kurengera abaturage ba Madagascar”.

Kugeza ubu kuri iki kirwa hamaze kuboneka abantu 121 banduye coronavirus, ntawe irahitana muri iki gihugu.

Ishami ry’umuryango w’abibumbye ryita ku buzima, OMS, ryakomeje kuburira abantu kwirinda abantu bemeza ko babonye umuti wa Covid-19, ntabwo ryari mu gikorwa cyo kwerekana uwo muti nk’uko AFP ibivuga.

iriba.news@gmail.com

Related posts

DR Congo: Imirwano ikomeye hagati ya FARDC na M23

Emma-Marie

Uganda: Umugabo ucyekwaho gushimuta abana yatawe muri yombi

Emma-Marie

Impungenge ni zose ku ruzinduko rwa Papa Francis muri Iraq

Emma-Marie

Leave a Comment

Skip to toolbar