Image default
Ubuzima

Umusirikare wa RDF yishwe na Coronavirus

Minisiteri y’Ubuzima ‘Minisante’ yatangaje ko kuri uyu wa 1 Nyakanga, umuntu wa gatatu yishwe na Coronavirus. Uwitabye Imana yari umusirikare wa RDF w’imyaka 51 wari mu butumwa mu mahanga wari usanzwe afite ubundi burwayi.

Abandi Banyarwanda babiri bishwe na Covid-19 mu gihe gishize, ni umushoferi w’amakamyo w’imyaka 65, n’umupolisikazi w’imyaka 24 nawe wari mu butumwa bwa UNMISS i Makakal muri Sudani y’Epfo.

Minisiteri y’ubuzima ivuga ko abantu bashya 17 banduye babonetse ejo ku wa gatatu mu bipimo 3,961 byafashwe. Abamaze kwandura bose hamwe ni 1,042, abakize ni 480.

Kuva uyu munsi ku wa kane, ikigo gishinzwe ubuzima mu Rwanda kivuga ko hatangira gupimwa abantu ku mihanda imwe n’imwe yatoranyijwe mu mujyi wa Kigali.

Iki gikorwa kigamije gusesengura uko iki cyorezo gihagaze mu mujyi wa Kigali.

Umunyamabanga wa Leta muri Minisiteri y’Ubuzima, Lt Col Dr Mpunga Tharcisse, yabwiye RBA ko kugeza ubu gupima Covid-19 nta kiguzi bisaba. Leta akaba ariyo yishingira ikiguzi  kingana n’amadorari y’Amerika ari hagati 150-200 ushyize mu mafaranga y’u Rwanda akaba agera ku bihumbi 100.

Iriba.news@gmail.com

Related posts

Gutera akabariro byibuze rimwe mu cyumweru byongera iminsi yo kubaho-Ubushakashatsi

Emma-Marie

Umubu ukomoka muri Aziya ushobora gushyira mu byago abantu basaga miliyoni 130 muri Afurika

Emma-Marie

Minisante irasaba abamotari guhanagura ikirahure cya ‘Casque’n’umuti wabugenewe mbere yo kuyiha umugenz

Emma-marie

Leave a Comment

Skip to toolbar