Image default
Ubuzima

Africa izahabwa doze miliyoni 220 z’urukingo rwa Coronavirus

Ishami ry’umuryango w’abibumbye ryita ku buzima (WHO/OMS) rivuga ko urukingo rwa Covid-19 nirwemezwa ku ikubitiro Afurika izahabwa nibura doze miliyoni 220.

Aba mbere bazakingirwa byihutirwa ni abakozi mu nzego z’ubuzima bita ku barwayi hamwe n’amatsinda y’abantu bageramiwe nk’uko Richard Mihigo ushinzwe porogaramu za OMS muri Afurika abivuga.

Avuga ko gutanga uru rukingo bizashingira ku mubare w’abaturage ba buri gihugu.

Mihigo avuga ko ibihugu byose 54 bya Afurika byamaze kugaragaza ko bikeneye urukingo rwa Covid-19. Afurika ituwe n’abantu barenga miliyari 1.3.

BBC dukesha iyi nkuru yatangaje ko ishyirahamwe ry’abakora bakanatanga inkingo ku isi ryitwa COVAX, rigamije gufasha kubona no gukwiza mu buryo budasumbanya inkingo zingana na doze miliyari ebyiri bitarenze impera za 2021.

Iri shyirahamwe rifite inkingo icyenda zakozwe z’iyi virusi ubu ziri ku rwego rw’igerageza rya nyuma ku isi.

Ebyiri muri izo nkingo ziri kugeragerezwa muri Afurika nk’uko bivugwa na Richard Hatchett ukuriye Coalition for Epidemic Preparedness Innovations (CEPI).

Related posts

Ubushyuhe bukabije bushobora gukuba kabiri ibyago byo kubyara abana bapfuye

Emma-Marie

Nyabihu: Bishimiye ibikoresho by’isuku bagenewe na Hinga Weze

Emma-marie

Coronavirus yageze Congo-Kinshasa

Emma-marie

Leave a Comment

Skip to toolbar