Image default
Amakuru Politike

Ingendo hagati y’Intara n’Umujyi wa Kigali hamwe na Moto zitwara abagenzi byongeye gusubikwa

Itangazo riturutse mu Biro bya Minisitiri w’Intebe mu ijoro ryo ku wa 31 Gicurasi 2020 riravuga ko ingendo hagati y’intara zitandukanye ndetse n’Umujyi wa Kigali ndetse na moto zitwara abagenzi bikomeje gusubikwa.

Nyuma y’amezi arenga abiri abatwara abagenzi kuri moto ndetse n’ingendo zihuza intara hamwe n’izihuza intara n’umujyi wa Kigali bihagaritswe na Leta kubera ingamba zo kwirinda ikwirakwizwa ry’icyorezo cya Covid-19, tariki ya mbere Kamena abatari bacye bari bariraye ku kababa ngo bongere basubukure ingendo nkuko byari byemejwe n’inama y’Abaminisitiri yateranye tariki ya 5 Gicurasi 2020.

Ibyari byitezwe na benshi bikaba byaje guhinduka nyuma yuko itangazo riturutse mu Biro bya Minisitiri w’Intebe mu ijoro ryo ku wa 31 Gicurasi 2020 rivuze ko habaye impinduka mu rwego rwo kurengera ubuzima bw’abaturage.

Ubutumwa buvuye kwa Minisitiri w’Intebe buravuga ko ingendo hagati y’intara, no hagati y’intara n’Umujyi wa Kigali bikomeza gusubikwa, moto nazo ntizemerewe gutwara abagenzi

Ubu butumwa buragira buti , “Nyuma y’isesengura, ingendo hagati y’intara zitandukanye, hagati y’intara n’Umujyi wa Kigali hamwe na moto zitwara abagenzi biracyabujijwe mu rwego rwo kurengera ubuzima bw’abaturage. Ingamba nshya zo kurwanya Covid-19 zizatangazwa n’Inama y’Abaminisitiri yo ku wa 2 Kamena 2020.”

Tariki ya 30 Gicurasi 2020,Minisiteri y’Ubuzima eri y’Ubuzima (MINISANTE) yatangaje ko umuntu wa mbere wari urwaye COVID-19 yapfuye.

Kugeza ubu abarwaye Covid-19 bose hamwe ni 370, abayikize ni 256, abakirwaye ni 113. Muri aba bakirwaye hakaba harimo abashoferi batwara amakamyo, abanyarwanda batashye hamwe n’abacuruzi bambukiranya imipaka.

Iriba.news@gmail.com

 

Related posts

Leta y’Amerika yasabwe gushyira ‘Igitutu’ ku Rwanda kubera Rusesabagina

Emma-Marie

Mu nama ya UN Trump yashinje Ubushinwa ‘kwanduza isi’ Coronavirus

Emma-marie

Mali: Agatsiko k’abasirikare kafashe bugwate Perezida, Ibrahim Boubacar Keïta na Minisitiri w’intebe

Emma-marie

Leave a Comment

Skip to toolbar