Urwego rw’Igihugu rushinzwe Ubugenzacyaha RIB, rumaze gutangaza ko umusore w’imyaka 25 y’amavuko wafashe amashusho y’abakobwa bane baherutse kwerekwa itangazamakuru nyuma yo kugaragara ku mbuga nkoranyambaga bambaye ubusa yarashwe agerageza gutoroka aho yari afungiye kuri sitasiyo ya Polisi ya Nyarugunga.
Itangazo ryashyizwe ku mugaragaro na RIB kuri uyu wa 1/8/2020 rivuga ko David Shukuru Mbuyi ukomoka muri Repuburika Iharanira Demukarasi ya Congo yarashwe igihe yageragezaga gutoroka aho yari afungiye.
Akaba yacyekwagaho icyaha cy’icuruzwa ry’abantu, niwe wafashe amashusho y’abakobwa bambaye ubusa ayashyira ku mbuga nkoranyambaga.
Inkuru bifitanye isano:https://iribanews.com/abakobwa-4-baherutse-kwerekana-imyanya-yabo-yibanga-kuri-instagram-beretswe-itangazamakuru/