Ishami rya ONU ryita ku buzima OMS ryatangaje ko nta ntambwe iterwa mu kurwanya indwara ya Malariya ndetse ngo hari impungenge z’uko inkunga zo kurwanya iyi ndwara zishoboka kuzagabanuka kubera icyorezo cya Covid-19.
Mu cyegeranyo gishyirwa ku mugaragaro na OMS buri mwaka ku ndwara ya malariya, bigaragara ko imibare y’abishwe n’iyi ndwara ntacyahindutse muri iyi myaka ibiri ishize. Ibi bikaba bitandukanye cyane n’uburyo imibare yari yagiye imanuka cyane twinjira muri iki kinyejana.
OMS ivuga ko Malaria yica abantu 400.000 buri mwaka, benshi muri bo bakaba ari abo munsi y’ubutayu bwa Sahara.
BBC yatangaje ko hari ubwoba ko imfashanyo zatangwaga n’ibihugu zo kurwanya malariya zizagabanu kubera icyorezo cya coronavirus.
Ingamba zo kurwanya iyi ndwara iterwa n’imibu kandi zigenda ziburizwamo kubera ko itakivurwa n’imiti imwe n’imwe.
Icyegeranyo cy’ishami rya ONU rishinzwe ubutabazi cyo mu 2019, kivuga ko abantu miliyoni eshanu n’ibice biridnwi banduye malariya muri uwo mwaka mu Burundi, uyu mubare ukaba ungana na ½ cy’abaturage bose bo muri icyo gihugu.
Muri abo bantu bose, abagera ku 1801 bahitanwe n’iyo ndwara iterwa n’umubu kuva mu kwezi kwa mbere kugeza tariki 21 z’ukwezi kwa karindwi 2019.
Iriba.news@gmail.com
