Image default
Amakuru Politike

Musanze: Abayobozi bacyekwaho gukubita abaturage batawe muri yombi

Urwego rw’Igihugu rushinzwe ubugenzacyaha ‘RIB’ rwatangaje ko rwataye muri yombi bamwe mu bayobozi mu nzego z’ibanze bacyekwaho gukubita abaturage.

Amashusho yakwirakwijwe ku mbuga nkoranyambaga, agaragaza Manishimwe Jean Baptiste, na Nyirangaruye Clarissa bakubirwa mu muhanda wo mu ga ‘centre’ k’ahitwa ‘Ngagi’ mu Murenge wa Cyuve ngo bazira ko batambaye agapfukamunwa.

Mu bakubitaga aba baturage harimo umuyobozi w’Umurenge wa Cyuve, afatanyije n’aba Dasso ndetse n’umuyobozi w’Akagari ka Kabeza. Nyirabayazana w’uku gukubitwa ngo n’uko aba baturage batari bambaye agapfukamunwa.

Manishimwe Jean Baptiste yerekana aho yakubiswe

Ku mugoroba wo kuri uyu wa 14 Gicurasi 2020, RIB ibinyujije ku rukuta rwayo rwa Twitter yatangaje ko abacyekwaho gukubita aba baturage batawe muri yombi.

Ubutumwa bwa RIB buragira buti “Uyu munsi RIB yafunze Umunyamabanga Nshingwabikorwa w’Umurenge wa Cyuve mu Karere ka Musanze, Sebashotsi Gasasira Jean Paul, Umunyamabanga Nshingwabikorwa w’Akagari ka Kabeza Tuyisabimana Jean Leonidas, ba DASSO Nsabimana Anaclet na Abiyingoma Sylvain. Aba bose bakurikiranyweho icyaha cyo gukubita no gukomeretsa Dushime Jean Baptiste na Nyirangaruye Uwineza Clarisse.”

Muri ‘centre’ ya Ngagi niho bivugwa ko aba baturage bakubitiwe n’abayobozi

Abatawe muri yombi bakaba bafungiwe kuri sitasiyo ya RIB ya Muhoza mu gihe hakorwa dosiye kugira ngo ishyikirizwe Ubushinjacyaha. RIB irongera kwibutsa ko gukubita no gukomeretsa ari icyaha gihanwa n’ingingo y’ 121 y’itegeko Nº68/2018 ryo ku wa 30/08/2018 riteganya ibyaha n’ibihano muri rusange.

Photo:Flash Tv

iriba.news@gmail.com

Related posts

Rutsiro: Haravugwa insoresore zikubita abaturage zikanabambura

NDAHIRIWE JB

Abayobozi b’amakoperative bacyuye igihe bemerewe gukomeza kuyobora

Emma-marie

Abagore 51% mu Rwanda ntibashaka kongera kubyara

NDAHIRIWE JB

Leave a Comment

Skip to toolbar